بواقى زيت الطعام اللى بتبعوه الايام . الزيت المستعمل.. سم قاتل

 نفسي اعرف الناس اللى بتشترى الزيت الزفت  المستعمل بسعر يصل ل12ج واكتر ساعات بيوصل حاليا 18 ج بتعمل بيه ايه واخيرا عرفت 🤔🤔

الناس دى بتشترى من حضرتك الزيت بسعرقليل  او15ج  وبتبيعو ب 30ج للمطاعم وب33ج لحضرتك تانى بعد إعادة التدوير

طب إعادة التدوير دى بتتم ازاى !!!

اقولك انا 

كل 20 كيلو زيت كيلو زيت بيتعملهم خلطه ب1 كيلو نشأ على كيلو مياه بارده وبيدوبو النشا فى المياه كويس جدا ثم تضاف إلى الزيت المستعمل ويترفع على نار هاديه جدا 

مهما كان الزيت اسود او فى رواسب أو زيت لحوم أو زيت سمك أو زيت مقلي فيه لامؤخذه خره هتلاقي النشا سحبت كل الكلام ده وتكتلت معاك فى قعر الحله 

بيتم تصفية الزيت بمصفاه وبيرجع لونه اصفر صافي احسن مما كان عليه 

ويرجع تانى لحضرتك على صورة زيت نقي فاتح وعمرك ما هتقدر تعرف أنه مستعمل قبل كده غير بالتحليل وعمرك مهتعمل لزيت تحليل 😁

هل بقا الطريقه دى صحيه ؟

طبعا لا 
انا معرفش افتى واقولك بيجيب سرطان وأمراض كذا وكذا لانى فعلا معرفش ايه أضراره 
بس لو ركزت ودزرت كويس وبحثت هتعرف أنه مضر جدا جدا جدا دا حاجه اكيده 
الدكتور محمد عزالعرب أستاذ الأمراض الباطنة ومؤسس وحدة أورام الكبد بالمعهد القومى للكبد يؤكد أن إعادة تدوير زيت الطعام بعد استخدامه ليعاد تكريره مرة اخرى واستخدامه مضر جدًا بالصحة بسبب التغيرات الكيميائية التى تحدث به نتيجة تكسر روابطه أثناء الغليان ثم تحلل المادة الغذائية فيه التى ينتج عنها عملية تأكسد والتى يتكون منها مجموعة من الشوائب المضرة، كما أن تكرار استخدامه يسبب إفسادة نتيجة تعرضه للضوء والأكسجين فى الوقت نفسه أثناء القلى، وبالتالى تتغير خصائصه من حيث اللون والطعم والرائحة، وبالتالى يصبح غير صالح للاستخدام مرة أخرى.
الكيلو ولا ال2 كيلو زيت اللى حضرتك بتبيعهم ب20 ولا 25ج فى الشهر بيكونو سبب فى اذي لناس كتير تانيه 
حضرتك ممكن تكون بتشترى زيت عافيه أو سلايت أو الأنواع النضيفه دى لكن فى ناس غلابه متقدرش على سعر الأنواع دى وبتشترى من الزيت السايب اللى كنا لسه بنحكى عليه 
وعلى فكره أغلب مطاعم الفول والطعميه  والمطاعم عمتا بتستخدم زيت مجهول المصدر لرخص سعره واللى هو طبعا معمول ليه إعادة التدوير 

كما أن تلك الزيوت ترفع نسبة الكوليسترول فى الدم، وتكون الدهون الثلاثية الضارة التى تعمل على ارتفاع ضغط الدم وانزيمات الكبد مما يؤدى إلى تصلب فى الشرايين وحدوث جلطات وحذر عز العرب من أن بعض المصانع والمطاعم تعيد استخدام الزيوت أكثر من مرة رغم تعرضه لدرجة حرارة أكثر من 200 درجة وهو ما يؤثر أيضاً على الكلى والكبد.

الزيت المستعمل.. سم قاتل احذروه

إقبال كبير من المطاعم على الشراء .. وجشع الأرباح وراء الكارثة الكبرى 

مصانع المقرمشات وعربات الفول الأكثر استعمالاً للزيوت القاتلة احذروها